सिगास गाउँपालिकाका उपाध्यक्ष श्री धाना धामीज्यूले आगामी आर्थिक वर्ष २०८२/०८३ का लागि कूल रु. ५५ करोड ९० लाख ७४ हजार १०९ को अनुमानित बजेट तथा कार्यक्रम सिगास गाउँपालिकाको १७ औँ गाउँसभाको दोस्रो बैठकमा पेश गर्नुभएको छ । जसमा आयतर्फ नेपाल सरकारबाट प्राप्त हुने वित्तीय समानीकरण अनुदानतर्फ रु. ९ करोड ६० लाख र सुदूरपश्चिम प्रदेश सरकारबाट प्राप्त हुने समानीकरण अनुदानतर्फ रु. ८२ लाख ३० हजार, नेपाल सरकारबाट प्राप्त हुने राजस्व बाँडफाँडतर्फ रु. १० करोड ७३ लाख ९८ हजार १ सय ९, प्रदेश सरकारबाट प्राप्त हुने राजस्व (सवारी कर) २९ लाख ७१ हजार, नेपाल सरकारबाट प्राप्त हुने सशर्त अनुदान तर्फ रु. २२ करोड ९९ लाख र प्रदेश सरकारबाट प्राप्त हुने सशर्त अनुदान तर्फ रु ७० लाख, आन्तरिक आयतर्फ रु. ७६ लाख १५ हजार, चालु आ.व. मा हुन सक्ने बैंक मौज्दात रु. ४ करोड ७० लाख ६० हजार समेत गरी कूल रु. ५५ करोड ९० लाख ७४ हजार १०९ आम्दानी हुने अनुमान गरिएको छ । जसमध्ये चालु तर्फ जम्मा विनियोजन रकम रु. ३७ करोड ४९ लाख ६७ हजार १ सय ९ (जुन ६७ दशमलव ७ प्रतिशत) र पुँजीगत तर्फ रु. १८ करोड ४१ लाख ७ हजार (जुन ३२ दशमलव ९३ प्रतिशत) रकम विनियोजन गरिएको छ ।
अर्को बैठक अर्थात १७ औँ गाउँसभाको तेस्रो बैठक सभाका अध्यक्ष श्री हरि सिंह धामीज्यूले असार १० गते २०८२ मा अह्वान गर्नुभएको छ ।